Мектеп тарихы

Алматы облысы Ақсу ауданы Көкжайдақ ауылындағы Абай атындағы орта мектебі – 1936-1940 жылдары алғашқы сауат ашу мектебі болып ашылды. Алғашқы кезде Шолақөзек ұжымшарында мектеп киіз үйде ұйымдастырылған болатын. 1944-1950 жылдары Шолақөзек (Киров ұжымшары) елді мекенінде бастауыш мектеп екі бөлмелі жер үйге орналастырылды.

Бұдан кейінгі жылдарда Көкжайдақ ауылында сегіз жылдық мектеп ашылып іске қосылды. Мектеп ашылғаннан бері басшылық жасаған ұстаздар: Омар Адамбеков (1963-1967ж.ж), Әділхан Азанбеков (1967-1968ж.ж), Абылайхан Сахариянов (1968-7190ж.ж), Тастемір Мамбеталин (1970-1973ж.ж),  Қасымбек Мұқанов (1974-1976ж.ж).

1979 жылдың  1 қыркүйегінен  орта мектеп болып құрылып,  осы жылы мектепке қазақ халқының ұлы ақыны Абай есімі берілді. 1977-1986 жылы мектеп директоры болып Аманғазина Бақтыбала, одан кейінгі әр жылдары Баханчинов Ахат (1987-1989 жж), Мырзақасымова Жанна (1990-1995 жж), Нұрғожаева Бақыт (1995-2000жж), Түйеші Ақсубай (2003-2004жж), Жақанбаева Данетай  (2004-2012жж), Артықбекова Нұргүл (2012-2018 жж), Нусипова Салима (2018-2020жж) Туйгымбеков Алтынбек (2020-2021жж) мектеп директоры болып қызмет атқарды. Қазіргі таңда мектеп директорының қызметін – тарих пәнінің мұғалімі Танысбекова Нағима Тілеуғалиқызы атқаруда.

Орта мектеп болып құрылғаннан бері – Бейсенбаева Алтынсара (Қазақ ҚСР халық ағарту ісінің озық қызметкері),   Мейірманова Гүлжан (Еңбек ардагері медалінің иегері) Қабдолданова Мақан, Қапшағаева Зейнегүл, Таева Амантай, Батханов Тасқын, Құтымова Жамал, Ысқақова Күләш, Орманова Бибижамал, Рамазанов Жұмабек, Түкенова Бақыт, Құтымова Салтанат, Оспанова Макира, Шерубаев Қыдырқожа, Тұрлыбекова Күлдрайхан, Тукенова Бақыт, Орысбаева Шарбану жемісті еңбек етті. Қазіргі үш қабатты заман талабына  сай  жаңа үлгідегі мектеп ғимараты 1985 жылдың аяғында  пайдалануға берілген.