Мектепке жол қорытынды

Қазақстан Республикасы Заңының 37-бабына және Қазақстан Республикасы Білім және ғылым министрлігінің 2019 жылғы 03 шілдедегі «Мектепке жол» республикалық акциясын өткізу туралы №3-15-3/2317-И тапсырмасына және Ақсу ауданы әкімінің 2019 жылғы 05шілдедегі №49 өкіміне сәйкес «Мектепке жол» акциясы Абай атындағы орта мектебінде 2019 жылдың 05шілдесінен 30 қыркүйегіне дейін «Менің таңдауым – балаларға көмек көрсету!» атты тақырыпта ұйымдастырылды.
Акцияның мақсаты – аз қамтылған және көп балалы отбасылардан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін материалдық және басқа да көмек көрсету.
Акция барысында 05.07.2019ж.-30.09.2019ж. аралығында «Менің таңдауым – балаларға көмек көрсету» атты «Мектепке жол» жалпы республикалық акциясы өтілуде. Осыған орай мектеп мұғалімдері және ауылымыздың жеке шаруа иелері мен кәсіпкерлері аз қамтылған және көп балалы отбасылардан шыққан, жартылай жетім оқушыларға жаңа оқу жылына дайындық кезінде және әлеуметтік себептер бойынша балалардың мектепке бармауының алдын алу үшін материалдық және басқа да көмек көрсетуде.
Тамыз айында«Қамқоршылық кеңес» мүшелері 3 оқушыға аяқ киім алып берсе, бастауыш бірлестік ұстаздары да 2 бастауыш сынып оқушыларына мектеп құралдарын алып берді. Жаратылыстану бірлестігі бастауыш сынып оқушысына мектеп сөмкесін алып берді.
Ауыл азаматтары да демеушіліктен кем қалмады.Атап айтар болсақ, қыркүйек айында 10 сынып оқушысына ауылымыздың кәсіпкері Жания апай мектепке киетін шалбар алып берсе, жеке шаруа иесі және ауған соғысының ардагері толық емес отбасына 15000теңге көлемінде ақшалайкөмек берді. Ақсу ауылдық округінің әкімшілігі көп балалы отбасынан бір баланы киіндіріп берсе,ауылдың кәсіпкері Айтмуханбетов Рауан жартылай жетім отбасының бір баласына мектепке ұстайтын сумка, сонымен қатар жеке аруа қожалығының иесі 2 оқушыға туфли алып берді.